“Brayton”un yarımmüdafiəçisi Karlos Baleba “Mançester Yunayted”in transfer siyahısında qalmaqda davam edir.
Sportinfo.az “Topskills Sports UK”-a istinadən xəbər verir ki, “qırmızı şeytanlar” yay transfer pəncərəsində 22 yaşlı futbolçunu heyətlərinə qata biləcəklərinə ciddi şəkildə inanırlar.
Ancaq “Brayton” rəhbərliyinin bu məsələ ilə bağlı mövqeyi qətidir. Klub kamerunlu yarımmüdafiəçini hətta 115 milyon avro təklif olunsa belə, satmaq niyyətində deyil.
Baleba cari mövsümdə bütün turnirlərdə 19 oyunda meydana çıxıb. Onun “Brayton”la müqaviləsinin müddəti 2028-ci ilin ortalarına qədərdir.
