“Mançester Siti”nin vingeri Oskar Bobb karyerasını “Fulhem”də davam etdirə bilər.
Sportinfo.az xarici KİV-ə istinadən xəbər verir ki, “Fulhem” rəhbərliyi “şəhərlilər”ə 22 yaşlı futbolçu üçün 40 milyon avro məbləğində rəsmi təklif göndərib.
Hazırda “Mançester Siti” bu təklifi nəzərdən keçirir.
Dekabrdan etibarən Dortmund “Borussiya”sı da Oskar Bobbun çıxışını yaxından izləyir. Almaniya təmsilçisinin yaxın zamanda norveçli futbolçu üçün rəsmi təklif edib-etməyəcəyi ilə bağlı qərar verəcəyi vurğulanır.
Oskar Bobb cari mövsümdə bütün turnirlərdə 15 oyuna çıxıb və 1 məhsuldar ötürmə verib. Onun “Mançester Siti” ilə müqaviləsinin müddəti 2029-cu ilin yayına qədərdir.
