“Aston Villa”da rəhbərlik səviyyəsində ciddi dəyişiklik baş verir. Klubun futbol əməliyyatları üzrə rəhbəri Monçi postunu tərk edir və onu bu vəzifədə ispaniyalı mütəxəssis Roberto Olabe Aransabal əvəzləyəcək.
Sportinfo.az “GiveMeSport”-a istinadən xəbər verir ki, Birmingem təmsilçisi artıq “Real Sosyedad”ın sabiq idman direktoru Aransaballa tam razılıq əldə edib və təyinat növbəti 48 saat ərzində rəsmiləşəcək.
Monçi “Aston Villa”ya 2023-cü ilin yayında qoşulmuşdu, ancaq komandanın cari mövsümə zəif startı (6 oyunda 4 heç-heçə, 2 məğlubiyyət) fonunda klub strukturunda dəyişiklik qərarı verilib.
Aransabal 2018-ci ildən 2024-cü ilin iyununa qədər “Real Sosyedad”da çalışıb. 57 yaşlı funksioner klubun son illərdəki sabit inkişafında mühüm rol oynayıb.
.jpg)
