Argentina millisinin sabiq futbolçusu və məşqçisi Dieqo Maradona Buenos-Ayresdən 35 kilometr məsafədə yerləşən Bella-Vista adlı özəl qəbiristanlıqda dəfn olunub.
Sportinfo.az xəbər verir ki, mərasimi “Todo Noticias” telekanalı canlı yayımlayıb.
Dəfn mərasimi məhdud çevrədə keçirilib. Keçmiş futbolçunun atası Don Dieqo və anası Dalma Franko da bu qəbiristanlıqda uyuyurlar.
Maradona çərşənbə günü 60 yaşında dünyasını dəyişib. Argentina hökuməti onun ölümü ilə əlaqədar ölkədə üçgünlük matəm elan edib.