Premyer Liqanı asanlıqla tərk etmək istəməyən «Karvan» son həftələrdə nisbətən toparlanmış kimi görünür.
15 ildən sonra elitaya dönmüş Yevlax təmsilçisi çempionatın axır iki turunda aktivinə 6 xal yazıb.
Aran komandası doğma publika önündə «Kəpəz»ə 4:1, «Şamaxı»ya 1:0 hesabıyla qalib gəlib.
Klub rəhbərliyi qeydə alınan nəticələrə görə səxavətli hərəkət edib. «Kəpəz»lə matça görə futbolçuların hər birinə 1000 manat mükafat verilib.
«Şamaxı» ilə qarşılaşmanın maddi qarşılığı da bu qədərdir – sadəcə, ödəmə hələ olmayıb.
«Karvan» 28 tura topladığı 14 xalla turnir cədvəlinin sonuncu - 12-ci pilləsində qərarlaşıb.
11-ci sıradakı «Qəbələ»dən 5, bir üst mövqedəki «Kəpəz»dən 7 xal geri qalırlar.
SPORTİNFO.AZ
