Afrika Millətlər Kubokunda ilk 1/8 finalçı müəyyənləşib.
Sportinfo.az xəbər verir ki, Kamerun yığması A qrupunda ardıcıl ikinci qələbə sayəsində vaxtından əvvəl pley-offa adlayıb.
Təşkilatçı ölkə millisi bu dəfə Efiopiyanı böyük hesabla məğlub edib - 4:1.
Qolları 8-ci və 67-ci dəqiqələrdə Karl Ekambi, 53-cü və 55-ci dəqiqələrdə Vensan Abubakar vurub. Efiopiyadan isə 4-cü dəqiqədə Dava Hotessa fərqlənib.
Qrupun digər matçında Burkina-Faso yığması Kabo-Verdeni minimal hesabla yenib.
Yeganə qolu 39-cu dəqiqədə Burema Bande vurub. Məğlub komandanın heyətində "Qarabağ"ın yarımmüdafiəçisi Patrik Andrade 73-cü dəqiqəyədək meydanda olub.
Bu nəticələrdən sonra Kamerun 6, Burkina-Faso və Kabo Verde hərəyə 3 xala malikdir, Efiopiya isə xalsızdır.
Afrika Millətlər Kubokunda 24 yığma 6 qrupda mübarizə aparır. Hər qrupdan 2 ən güclü komanda və 3-cü yer sahiblərindən 4-ü 1/8 finala yüksələcək.
Kamerun - Efiopiya
Qollar: Karl Toko Ekambi, 8, 67, Vinsent Abubakar, 53, 55 - Dukele Dava Hotessa, 4
.jpg)
