"Yaxınlarda konfrans keçiriləcək, prezident seçiləcək"

22 Sentyabr 01:10 Güləş 213
"Yaxınlarda konfrans keçiriləcək, prezident seçiləcək"

Sportinfo.az xəbər verir ki, Azərbaycan Güləş Federasiyasında (AGF) növbəti Hesabat-Seçki Konfransı keçiriləcək.

Bu barədə qurumun Mətbuat katibi Sərxan Musayev məlumat verib.

AGF rəsmisinin sözlərinə görə, pandemiya ilə əlaqədar karantin davam etdiyi üçün hələlik bu tədbir yubanır: "Bildiyiniz kimi, 2018-ci ilin mayından federasiyamızda prezident əvəzi Namiq Əliyevdir.

O, qurumun əsas rəhbər şəxsi kimi prezidentin funksiyalarını yerinə yetirir. Ancaq hüquqi prosedurların rəsmiləşməsi üçün karantinin başa çatmasını gözləyirik. Bundan sonra konfrans keçiriləcək və prezident seçiləcək. Ancaq hələ dəqiq tarix deməyimiz mümkün deyil”.

Namiq Əliyev həm də Dünya Güləş Birliyinin büro üzvüdür. AGF-yə son olaraq sabiq vergilər naziri Fazil Məmmədov (2007-2018) rəhbərlik edib. O, hazırda Azərbaycan Otüstü Hokkey və Azərbaycan Velosiped İdmanı federasiyalarının prezidenti kimi qalır.

Digər Xəbərlər
Xəbər Lenti