Azərbaycan yığmasının iki üzvü ilk "10-luq"da yer aldı

3 Aprel 2020 10:24 Güləş 459
Azərbaycan yığmasının iki üzvü ilk "10-luq"da yer aldı

Dünya Güləş Birliyi (UWW) olimpiya çəkiləri üzrə yeni reytinq siyahısını açıqlayıb.

Sportinfo.az xəbər verir ki, Azərbaycanın sərbəst güləş yığmasının iki üzvü öz çəkilərində ilk "10-luq"da yer alıb.

Dünya çempionatında gümüş medal qazanan Şərif Şərifov (97 kq) 40 xalla 3-cü yerdədir. Avropa çempionatında bürünc medal əldə edən Camaləddin Məhəmmədov (125 kq) isə 34 xalla 4-cü pillədə qərarlaşıb.

Yunan-Roma güləşçilərindən yalnız Avropa çempionu Sənan Süleymanov (77 kq) ilk "10-luğ"a düşüb. O, 22 xalla 9-cudur. Qadın güləşçilərdən də yalnız Mariya Stadnik (50 kq) ilk "10-luq"da yer alıb. Dünya və Avropa çempionu 60 xalla ikinci pillədə qərarlaşıb.

Reytinq sıralaması dünya çempionatı və ondan sonra keçirilən mühim turnirlərin nəticələrinə əsasən formalaşıb.

Digər Xəbərlər
Xəbər Lenti