Azərbaycanın sərbəst güləş üzrə olimpiya, dünya və Avropa çempionu Şərif Şərifov zədələnib.
Sportinfo.az xəbər verir ki, 97 kq çəki dərəcəsində mübarizə aparan 33 yaşlı pəhləvan Fransanın Nitsa şəhərində keçirilən Qran-pridə problemlə üzləşib.
Qrup sistemi ilə gerçəkləşən mübarizədə əvvəlcə Gürcüstan təmsilçisi Givi Matçaraşviliyə 3:8 hesabı ilə uduzan Şərifov daha sonra Rumıniyadan olan Mixael Manyaya qalib gəlib - 11:0.
Lakin bu qələbə təcrübəli güləşçiyə zədə bahasına başa gəlib. Nəticədə o, ABŞ pəhləvanı Kayl Snayderlə yarımfinal, Polşadan olan Radoslav Baranla isə bürünc medal görüşünə çıxa bilməyib.
Şərif Şərifov 2011-ci ildə Türkiyənin İstanbul şəhərində dünya, 2012-ci ildə Böyük Britaniyanın paytaxtı Londonda olimpiya və 2019-cu ildə Rumıniyanın paytaxtı Buxarestdə Avropa çempionu olub.