.jpg)
Futzal üzrə Azərbaycan millisinin Bakı İdman Sarayında keçirəcəyi dünya çempionatının əsas mərhələsinin oyunları üçün nəzərdə tutulan biletlər satışa çıxarılıb.
Sportinfo.az xəbər verir ki, bütün yerlər üçün qiyməti 1 manat olan biletləri onlayn şəkildə iticket.az saytından əldə etmək mümkündür.
Azərbaycan millisi oktyabrın 23-də Moldova, oktyabrın 24-də Monteneqro, oktyabrın 26-da isə Slovakiya yığması ilə qarşılaşacaq. Bütün matçlar saat 20:00-da başlayacaq. Qrupda ilk 2 yeri tutacaq komandalar elit-raunda vəsiqə qazanacaqlar.
