Dünya çempionatının əsas mərhələsinin oyunlarına hazırlaşan futzal üzrə Azərbaycan millisinin bu gündən Bakıda təlim-məşq toplanışı başlayıb.
Sportinfo.az xəbər verir ki, toplanışa 20 futzalçı dəvət olunub. Onların siyahısını və millimizin yer aldığı qrupun oyunlarının təqvimini təqdim edirik:
Millinin heyəti: Rövşən Hüseynli, Kamran Hacıyev, Nihad İsmayılov, Xətai Bağırov, İsa Atayev, Rizvan Fərzəliyev, Ramiz Çövdarov, Hadi Ahmadi, Vahid Shafiei, Amir Shojaei (hamısı "Araz Naxçıvan"), Elnur Zamanov, Oktay Rüstəmli (hər ikisi "Neftçi" İK), Vitali Borisov ("Marafon"), Faiq Əliyev (EKOL), Teles Martins Tyago ("Norlisk Nikel", Rusiya), Kardoso Everton ("Levante", İspaniya), Melo Borqes Eduardo ("ACCS Futsal", Fransa), Oliveira Do Naşimento Villiams ("Alarabi Sportinq Klub", Küveyt), Karvalyo Vilela dos Santos ("Kopaqril Futsal", Braziliya), Eshagh Soorghali (klubsuz).
Oyunların təqvimi
23 oktyabr
17:00. Slovakiya – Monteneqro
20:00. Azərbaycan – Moldova
24 oktyabr
17:00. Moldova – Slovakiya
20:00. Azərbaycan – Monteneqro
26 oktyabr
17:00. Monteneqro – Moldova
20:00. Slovakiya – Azərbaycan
Qrupun bütün oyunları Bakı İdman Sarayında keçiriləcək.