"Final mərhələsində iştirak etmək istəyiriksə, buna ehtiyac yoxdur"

13 Sentyabr 08:30 Futzal 252
"Final mərhələsində iştirak etmək istəyiriksə, buna ehtiyac yoxdur"

Futzal üzrə Azərbaycan millisinin qapıçısı Rövşən Hüseynli jurnalistlərin suallarını cavablandırıb.

Sportinfo.az xəbər verir ki, 32 yaşlı qolkiper DÇ-2024-ün elit-raund mərhələsinin Rumıniya ilə matçında qələbə qazanmaq istədiklərini bildirib:

“İki gündür tam heyətlə məşq edirik. Buna qədər mən də daxil legionerlər öz klublarında idilər.

Əsasən taktiki planda çalışmaları yerinə yetiririk. Yəni meydanda necə oynamalıyıq, onu məşq edirik.

Rəqibi hələ analiz etməmişik. Gecə yola düşürük. Orda da hazırlaşmaq üçün vaxtımız olacaq. İndi zəif komanda yoxdur.

Futzal durmadan inkişaf edir. Hansısa komandanın favorit olduğunu düşünənlər var. Amma bu gün qrupda yer alan millilərin hər birinin şansı var.

Rumıniya millisi fərqli oyun üslubunda çıxış edir. Niderland son Avropa çempionatına ev sahibliyi edib, müəyyən təcrübəyə sahibdir.

Qazaxıstan millisi illərdir yuxarı yerlər uğrunda yarışır. Baş məşqçinin tapşırıqlarını yerinə yetirə bilsək, yaxşı nəticələr qazana bilərik.

Rumıniya ilə oyunla bağlı baş məşqçi həlkə konkret tapşırıq verməyib. Bunu yəqin oyundan 1 gün əvvəl edəcək.

Əlbəttə, hər birimiz qələbə qazanmaq istəyindəyik. Final mərhələsində iştirak etmək istəyiriksə, geriyə yol, hansısa riyazı hesablamalar aparmağa ehtiyac yoxdur.

Hər bir oyunda maksimum nəticə qazanmalı, birinci yeri tutub final mərhələsinə yüksəlmək haqda düşünməliyik. Final fitinə qədər mübarizə aparmalıyıq”.

Digər Xəbərlər
Xəbər Lenti
4 Dekabr 22:00 Premyer Liqaya qayıdır
4 Dekabr 12:10 Bugünün hava PROQNOZU