.jpg)
PSJ-nin futbolçusu Kilian Mbappe klubla müqaviləsini uzadıb-uzatmayacağı barədə suala cavab verib.
Sportinfo.az xəbər verir ki, 22 yaşlı hücumçu hələlik bu məsələdə irəliləyiş olmadığını deyib:
"Özüm üçün qərar verəndə artıq mediaya da bu barədə nəsə deməyə hazır olacam. Hələlik isə müqavilə ilə bağlı bir irəliləyiş yoxdur".
Fransalı oyunçunun paytaxt təmsilçisi ilə hazırkı sözləşməsinin müddəti 2022-ci ilin yayına qədərdir. Onun transfer dəyəri isə 180 milyon avro məbləğində qiymətləndirilir.
Mbappe bu mövsüm 36 matçda 30 qol vurub və 9 qolun ötürməsini verib.
