"Qalatasaray" Almaniya millisinin üzvü Lukas Podolski ilə yollarını rəsmən ayırıb. Sportinfo.az xəbər verir ki, almaniyalı futbolçu karyerasını Yaponiyanın "Vissel Kobe" klubunda davam etdirəcək.
O, Asiya təmsilçisinə 2016/2017 mövsümünün sonunda qoşulacaq. Bu keçidə görə, yaponlar İstanbul təmsilçisinə 2,6 milyon avro transfer haqqı ödəyib.
31 yaşlı hücumçu 2015-ci ildə "Arsenal"dan "Qalatasaray"a keçmişdi. Bundestimin forvardının DÇ-2018-in seçmə qrup mərhələsi çərçivəsində martın 26-da Bakıda keçiriləcək Azərbaycan - Almaniya oyununda iştriak edəcəyi gözlənilir.
