“Napoli”nin baş məşqçisi Antonio Konte A Seriyasının 12-ci turunda “Atalanta” üzərində (3:1) hesablı qələbəsini şərh edib.
Sportinfo.az “Football İtalia”ya istinadən xəbər verir ki, italiyalı mütəxəssis Çempionlar Liqasının əsas mərhələsinin 5-ci turunda “Qarabağ”a qarşı keçiriləcək oyundan gözləntilərini bölüşüb:
“İndi bizi bu mövsüm Çempionlar Liqasının sürpriz komandası olan “Qarabağ”la oyun gözləyir. Özümüzə gəlməli və yeni bir çətinliyə hazırlaşmalıyıq”.
“Atalanta” üzərində qələbə qazanan “Napoli” turnir cədvəlinin zirvəsinə qayıdıb.
“Napoli” – “Qarabağ” matçı noyabrın 26-da Dieqo Armando Maradona stadionunda keçiriləcək və görüşə Bakı vaxtı ilə saat 00:00-da start veriləcək.
