Milli komandaların oyunları ilə bağlı daxili yarışlarda yaranmış fasilə Azərbaycan kubokunun matçları ilə başa çatacaq.
Yarımfinal cütlərində “Turan Tovuz” “Zirə”ni, “Qarabağ” “Sabah”ı qəbul edəcək.
Prinsipial və yekun nəticəsi maraqla gözlənilən duel “Qarabağ”la “Sabah” arasında baş tutacaq.
Sportinfo.az xəbər verir ki, “tələbələr” bu oyuna ciddi itki ilə çıxacaq.
Komandanın əsas simalarından olan İqor Noqeyro görüşü kənardan izləyəcək.
Buna səbəb braziliyalı mərkəz müdafiəçisinin sarı vərəqə limitini doldurmasıdır.
İqor “İmişli” və “Qəbələ” ilə səfər oyunlarında aldığı sarı vərəqələr ucbatından cəzalı duruma düşüb.
Aprelin 2-də Tofiq Bəhramov adına Respublika stadionunda keçiriləcək qarşılaşma saat 20:00-da başlayacaq.
HƏBİB / SPORTİNFO.AZ
