“Barselona”nın müdafiəçisi Pau Kubarsi UEFA Çempionlar Liqasının 1/8 final mərhələsinin “Nyukasl”la cavab matçı ilə bağlı fikirlərini bölüşüb.
Sportinfo.az “Barca Universal”-a istinadən xəbər verir ki, ispaniyalı futbolçu maksimum səy göstərməli olduqlarını deyib:
“Özümüzə fokuslanmalı və maksimum səy göstərməliyik. Finala çıxmaq istəyiriksə, ən yaxşı komandalarla qarşılaşmalı olacağıq.
Rəqib kim olursa olsun, biz tam gücümüzlə mübarizə aparmağa hazırıq”.
“Barselona” martın 18-də doğma meydanda “Nyukasl”la cavab matçına çıxacaq. İngiltərədə keçirilən ilk oyun 1:1 hesabı ilə başa çatıb.
