“Qarabağ”ın məşhur fanatı Zəfər Hacılı vəfat edib.
Dəfələrlə gündəmə gələn əlil fanat 29 yaşında dünyasını dəyişib.
“Qarabağ”lı məşqçi və futbolçuların daim maddi-mənəvi dəstək göstərdiyi Hacılı martın 27-də nəfəs ala bilməmək, boğulma və güclü öskürək səbəbilə 103-ə zəng vurub.
Bronxları tutulan, boğulma təhlükəsi ilə üz-üzə gələn Zəfər həkimlərin müxtəlif tövsiyələri əsasında xəstəxanaya aparılmayıb. Çox keçmədən dünyasını dəyişib.
Əlil azarkeşin ölüm xəbəri onu tanıyanları sözün əsl mənasında sarsıdıb.
“Qarabağ”ın keçmiş futbolçusu, hazırda “Zirə”ni çalışdıran Rəşad Sadıqov məsələyə biganə qalmayıb.
Sadıqov sosial şəbəkə hesabında Zəfər Hacılı ilə şəklini paylaşaraq ona Allahdan rəhmət diləyib.
HƏBİB / SPORTİNFO.AZ
