![Çempionlar Liqasında mövsümün ilk püşkü - CÜTLÜKLƏR](https://www.sportinfo.az/media/2023/06/13/353952812_778449080357156_1671932122953439299_n.gif)
Çempionlar Liqasında 2023/2024 mövsümünün ilk püşkü atılıb.
Sportinfo.az xəbər verir ki, UEFA-nın İsveçrənin Nyon şəhərindəki mənzil-qərargahında keçirilən mərasimdə ilkin mərhələnin yarımfinal cütləri müəyyənləşib.
Andorranın “Atletik Ekaldes” klubu Monteneqro “Buduçnost” kollektivi ilə, San Marinonun “Tre Penne” komandası İslandiya təmsilçisi “Breydablik”lə üz-üzə gələcək. Bu raundun görüşləri iyunun 27-də, final qarşılaşması isə iyunun 30-da olacaq.
Qalib komanda I təsnifat mərhələsinə yüksələcək və burada Azərbaycan çempionu "Qarabağ"a rəqib ola bilər.
I təsnifat mərhələsinin püşkü iyunun 20-da atılacaq.