Almaniyada Şimal-Şərq Regional Liqasında 20-ci turun oyunları keçirilir.
Sportinfo.az xəbər verir ki, Azərbaycan millisinin sabiq hücumçusu Rüfət Dadaşovun çıxış etdiyi Berlin “Dinamo”su evdə "Proyssen"lə qarşılaşıb və 3:1 hesablı qələbə qazanıb.
34 yaşlı Dadaşov bu oyunda dubl edərək komandasına qələbə qazandırıb. O, 58 və 80-ci dəqiqələrdə rəqib qapısına yol tapıb. Rüfət bu mövsüm çempionatda vurduğu qolların sayını 4-ə çatdırıb.
14 xala malik "Dinamo" hazırda turnir cədvəlində 20-ci yeri tutur.
Rüfət Dadaşov Azərbaycan millisinin heyətində 2013-2019-cu illərdə 24 oyun keçirib, 5 qol vurub.
