Rahil Məmmədov Polşada uğurlu çıxışı edir.
Sportinfo.az xəbər verir ki, 29 yaşlı müdafiəçi LKS-in heyətində keçirdiyi son matçda da hər kəsin rəğbətini qazanıb.
O, son çempion “Rakuv”la qarşılaşmada xoş təsir bağışlayıb. Polşa mətbuatı onun oyununu yüksək qiymətləndirib:
“Rahil yaxşı oyun keçirdi. O, Polşa çempionu ilə matçda Lodz klubunun müdafiəsinin lideri idi”.
Çempionatın autsayderi olan LKS ev oyununda bir xal qazanıb – 1:1.