.jpg)
Türkiyədə legioner həyatı yaşayan Bəxtiyar Həsənalizadə təxminən 3 aylıq fasilədən sonra yaşıl meydanlara qayıdıb.
Zədədən əziyyət çəkən müdafiəçinin qayıdışı Ramil Şeydayevin şərəfini qoruduğu "Kocelispor"a qarşı olub.
90 dəqiqə meydanda olan Bəxtiyar sonda "Tuzlaspor"un 2:1 hesablı qələbəsinə sevinib.
O, qayıdışı və qazandıqları vacib qələbə barədə Sportinfo.az-a danışıb:
"Bəli, uzummüdətli zədədən qayıtdım. Əslində ötən turdan sağalmışam. Sadəcə məşqçilər risk etmədi.
Qarşılaşmaya gəldikdə isə vacib qələbə qazandığımızı deməliyəm. Rəqib yaxşı komanda idi. Liderlərdən biridir. Hər iki tərəfə də xallar lazımdır. Çox şükür sonda qalib gələn tərəf biz olduq".
Bəxtiyar millidəki komanda yoldaşı Ramil Şeydayevlə söhbətləşdiyini sözlərinə əlavə edib:
"Oyunun içində salamlaşdıq. Qarşılaşmadan sonra da qısaca danışdıq. Bir-birimizə uğurlar arzuladıq".
XANOĞLAN
.jpg)
