"Dinamo"nun 19 yaşlılarından ibarət komandasında Gürcüstan çempionu olan Yusuf Mehtiyev əvəzedici və əsas komandanın məşqçilər korpusunun diqqətini çəkib.
Sportinfo.az xəbər verir ki, sportal.az-a verilən məlumata görə, 2006-cı il təvəllüdlü azərbaycanlı hücumçu qışdan sonra əvəzedici heyətdə oyunlara çıxacaq.
O, yeni sezondan əsas komandanın məşqlərinə də cəlb ediləcək.
Belə ki, həmyerlimiz "Dinamo"nun ispaniyalı baş məşqçisi Andres Karraskonun maraq dairəsindədir. O, əvvəllər klubun akademiyasına rəhbərlik etdiyindən Mehtiyev haqda məlumatı yetərincədir.
Gürcüstan nəhəngi Yusufa beş illik müqavilə təklif edəcək. Amma forvard buna cavab verməkdə tələsmir.
