Tailand çempionatında 14-cü turun oyunları keçirilir.
Sportinfo.az xəbər verir ki, Azərbaycan millisinin hücumçusu Ramil Şeydayevin çıxış etdiyi “Buriram Yunayted” səfərdə "Tay Port"un qonağı olub.
Qarşılaşma meydan sahiblərinin 4:1 hesablı qələbəsi ilə başa çatıb.
Start heyətdə meydana çıxan Ramil 53-cü dəqiqədə - hesab 2:1 olanda əvəzlənib. Şeydayev bu oyunda da qol vura bilməyib.
Ümumiyyətlə, yayda "Qarabağ"dan ayrılaraq "Buriram Yunayted"ə keçən hücumçu bu mövsüm Tailand çempionatında 10 oyuna 1 qol vurub, 3 qol ötürməsi edib.
Bu nəticədən sonra “Buriram Yunayted” 21 xalla turnir cədvəlinin 4-cü pilləsində qərarlaşıb.
