«Mən oynamağa hazıram və həvəsliyəm».
Sportinfo.az xəbər verir ki, bu sözlər millimizin və Zaqreb «Dinamo»sunun hücumçusu Mahir Emreliyə məxsusdur.
26 yaşlı forvard bildirib ki, ilk “11-lik“də oynayıb-oynamayacağına baş məşqçi qərar verir:
“Əsas heyətdə oynamağın və ya ehtiyat skamyadan düşməyinin fərqi yoxdur. Çox vaxt ehtiyatdakı oyunçular meydana daxil olaraq komandalarına üstünlük qazandırırlar.
Komandanın bütün futbolçuları oynamalıdır. Qol vuranda daha zövqlü olar.
Ancaq yenə də mənim üçün bu, ən vacib şey deyil. Əzmlə oynamaq və ən yaxşı komanda olduğumuzu göstərmək vacibdir.
Bəli, biz son çempionuq. Bu da bizim üçün əlavə motivasiyadır”.
