Azərbaycan millisinin forvardı Mahir Emrelinin də formasını geyindiyi Zaqreb "Dinamo"su Xorvatiya çempionatında 9-cu tur oyununa çıxacaq.
Sportinfo.az xəbər verir ki, komanda səfərdə autsayder "Rudeş"lə qarşılaşacaq.
Matç Bakı vaxtı ilə 21:15-də başlayacaq.
"Dinamo" hazırda turnir cədvəlində 13 xalla (6 oyun) 4-cü, "Rudeş" 1 xalla (8 oyun) 10-cu-sonuncudur. Siyahıya 18 xalla (8 oyun) "Hayduk" başçılıq edir
M.Emreli bu mövsüm Xorvatiya çempionatında meydana çıxdığı 5 matçda 2 qol vurub, 1 qolun ötürməsini verib.
