Azərbaycan millisinin və "Sabah"ın futbolçusu Ozan Can Kökçü "Eyüpspor" ilə anlaşıb.
Sportinfo.az "ajanspor"a istinadən xəbər verir ki, 23 yaşlı hücumameylli yarımmüdafiəçi I liqaya yüksələn komanda ilə şəxsi müqaviləsinin bütün detallarını razılaşdırıb.
Türk əsilli oyunçu Bakı klubu ilə vidalaşdıqdan sonra İstanbul təmsilçisi ilə sözləşmə imzalayacaq.
Ozan Can Kökçünun "Sabah"la müqaviləsi 2023-cü ildə başa çatmalıdır.
O, 2020/2021 mövsümünün ikinci yarısını icarə əsasında Niderlandın "Telstar" klubunda keçirib. Vinger daha əvvəl Türkiyədə "Bursaspor" və "Giresunspor" komandalarının formasını geyinib.