Bu mövsümdən Azərbaycanın futbol səhnəsinə yeni klub çıxıb.
Sportinfo.az xəbər verir ki, həmin komanda "Xudat"dır.
Region Liqasının Paytaxt-Şimal zonasında mübarizə aparan kollektiv qış fasiləsinə 8-ci pillədə yollanıb. Xudatlılar keçirdiyi 8 oyundan 1-də qələbə qazanıb, digər matçları isə uduzub.
Yeni yaranan bölgə təmsilçisi futbolçu çatışmazlığı ilə üzləşib. Komanda bəzən meydana 10 nəfərlə çıxıb. Maraqlıdır ki, "Xudat" belə qarşılaşmalardan birində "Qardaşlar"a 4:1 hesabıyla qalib gəlib.