Naxçıvanda keçiriləcək Azərbaycan kubokunun final matçının biletləri sabahdan satışa çıxarılacaq. Sportinfo.az xəbər verir ki, biletləri əldə etmək istəyən yerli sakinlər Naxçıvan şəhər stadionunun kassalarına baş çəkə bilərlər.
Bakıdan bilet almaq istəyənlər isə bunun üçün PFL-ə müraciət etməlidi. Satışa 8 min bilet çıxarılacaq. Biletlərin qiyməti bütün yerlər üzrə 1 manatdı. Qeyd edək ki, həlledici görüşdə üz-üzə gələcək “Qarabağ” – “Qəbələ” matçı mayın 5-i, saat 16:00-da Naxçıvan şəhər stadionunda keçiriləcək.
