Azərbaycanda klublar məşqlərə başlaya bilərmi? - RƏSMİ

21 Aprel 2020 14:30 Azarkeş 850
Azərbaycanda klublar məşqlərə başlaya bilərmi? - RƏSMİ

"Azərbaycanda kütləvi tədbirlərin bərpası kiminsə iradəsindən asılı məsələ deyil.

Nazirlər Kabineti yanında Operativ Qərargahın qərarı ilə ölkədə karantin rejimi mayın 4-dək uzadılıb".

Sportinfo.az xəbər verir ki, bunu "report"a açıqlamasında Nazirlər Kabinetinin mətbuat katibi İbrahim Məmmədov deyib.

O, hazırda idman yarışlarının bərpası kimi məsələnin gündəmdə olmadığını bildirib. İ.Məmmədov komandaların məşqlərə başlamasının nə dərəcədə mümkünlüyü barədə sualı isə belə cavablandırıb: "Mən Operativ Qərargah adından deyə bilərəm ki, hazırda gündəlikdə belə bir məsələ yoxdur".

Azərbaycan Premyer Liqası və I Divizionda mövsüm martın 13-dən dayandırılıb. Çempionat bərpa olunanadək ilk növbədə, futbolçulara məşqlərə başlamaları üçün də icazə verilməlidir.

Daha əvvəl Oğuzda karantin qaydalarını pozaraq futbol oynayan bir qrup şəxs cərimələnib.

Digər Xəbərlər
Xəbər Lenti