“Kəpəz” ağız xərçəngindən əziyyət çəkən “Xəmsə” fan-klubunun rəhbəri Adil Məmmədova öz imkanları daxilində köməklik göstərəcək. Sportinfo.az xəbər verir ki, bu barədə Gəncə təmsilçisinin mətbuat xidmətindən məlumat verilib.
Yardımın hansı formada olacağı bildirilməsə də, klub A.Mahmudovun durumunu diqqətdə saxlayacağını açıqlayıb. Aprelin əvvəlində xərçəng diaqnozu qoyulan Adil Məmmədov hazırda Azərbaycan Tibb Universitetinin Onkoloji Klinikası kimyaterapiya şöbəsində müalicəsini davam etdirir.
