Futbolun bəzəyi azarkeşlərdir.
Onlar olmadan meydanda oynanılan futbol heç futbolçuların özünə də çox maraqlı deyil.
Xoş o komandanın halına ki, düşdüyü vəziyyətindən asılı olmayaraq hər oyun yanında olan, dəstək nümayiş etdirən fədakar azarkeş ordusu var.
Belə azarkeşləri daha çox Avropa klublarında görmüşük, eşitmişik.
Amma ölkəmizdə də sadiq tərəfdarları olan klub yox deyil.
Məsələn, bizim "Sheki City" kimi.
Şəkinin təmsilçisi hazırda İkinci Liqada mübarizə aparır.
İddialılar sırasından xeyli uzaqda olan klubun ortabab statusu var.
Liqada qalmaq vəzifəsini də həftələr əvvəl yerinə yetib.
Komanda faktiki hədəfsiz qalıb, mövsümü başa vurmaq üçün meydana çıxır.
Lakin yerli futbolsevərlər çox çətin hava şəraitində belə sevimli komandasını yalnız buraxmır.
"Qusar"la son oyun buna əyani sübutdur.
Güclü yağış yağmasına baxmayaraq mövsümün son ev matçına çox sayda tərəfdar Şəki şəhər stadionuna cəm olub.
Üstü açıq tribunalarda çətin anlar yaşayan tərəfdarların dadına qismən çətir çatıb.
XANOĞLAN / SPORTİNFO.AZ
(1).jpg)
