Premyer Liqanın 6-cı turunu stadiondan izləyən azarkeş sayı məlum olub. Sportinfo.az xəbər verir ki, ən çox azarkeş “Qarabağ” - “Sumqayıt” oyununda (4:1) qeydə alınıb.
Tofiq Bəhramov adına Respublika stadionunda keçirilmiş matçı cəmi 1400 tamaşaçı izləyib. Turun ən aşağı nəticəsi isə Mərdəkandakı “Dalğa Arena”da qeydə alınıb.
“Səbail”in “Kəpəz” üzərində 1:0 hesablı qələbəsinə, cəmi 300 azarkeş tribunalardan canlı şahidlik edib. Digər oyunlardan Qəbələ şəhər stadionunda keçirilmiş “Qəbələ” - “Neftçi” qarşılaşmasını (2:1) 1000, Zirə idman kompleksinin stadionunda baş tutmuş “Zirə” - “İnter” matçını (1:1) isə 1200 tamaşaçı tribunalardan izləyib.
Ümumilikdə, turun 4 oyununu 3900 azarkeş izləyib ki, bu da hər oyuna orta hesabla 975 tamaşaçı deməkdi. Bu nəticə cari mövsümdə qeydə alınmış ən aşağı nəticədi.
.jpg)
