Bu gün Azərbaycan Premyer Liqasında keçiriləcək sonuncu turla mövsümə yekun vurulacaq.
Sona 3 tur qalmış çempionluğunu rəsmiləşdirən "Qarabağ" doğma meydanda son çempion "Neftçi"ni qəbul edəcək.
"Köhlən atlar" çempionluq tituluna da məhz bu qarşılaşmadan sonra xüsusi mərasimlə qovuşacaq.
Əzəli rəqiblə oyun günü çempionluq kubokunun veriləcəyini nəzərə alan tərəfdarlar matça xüsusi hazırlıq görüblər.
Belə ki, komandanın ən böyük azarkeş qrupu olan "İmarət" bu barədə öz sosial şəbəkə hesabından paylaşım edib.
"Sabah 2021-2022 mövsümündə son nöqtəni qoyacağıq!
Çempiona layiq,ən güclü azarkeş qrupumuz ilə..." deyə yazılan postla bu gün axşamı nişan verən fanatlar konkret hansı addımları atacaqları barədə məlumat verməyiblər.
İstənilən halda üstüörtülü ismarıcdan da axşamkı matçda qələbəlik yaşanacağını ehtimal etmək asandır.
"Azərsun Arena"da keçiriləcək qarşılaşmanın start fiti saat 19:30-da veriləcək.
XANOĞLAN / SPORTİNFO.AZ
