Məşhur avtomobil yarışçısı Fernando Alonso 2018-ci il mövsümünün sonunda "Formula-1"i tərk etmək qərarına gəlib.
Alonso etiraf edib ki, daha da irəliyə getməyin vaxtı çatıb:
"Mən bütün bu mövsümlər ərzində yarışların hər dəqiqəsindən zövq almışam və bu müddəti belə məxsusi edən insanlara təşəkkür etmək üçün nə qədər söz desəm kifayət etməz".
Sportinfo.az xəbər verir ki, ispaniyalı idmançı 2001-ci ildə "Minardi" komandasında debüt etməklə "Kral seriyası"da 17 mövsüm keçirib.
"Renault"a keçdikdən sonra uğur qazanmağa başlayıb. Alonso yeni komandanın heyətində iki dəfə dünya çempionu olub. O, son mövsümü "McLaren"də keçirib.
