Böyük Qurtuluş Partiyasının sədri Fazil Mustafa futbol təsərrüfatında təmsil olunmağa başlayıb.
Fevralın 7-də keçirilmiş növbədənkənar prezident seçkilərində prezidentliyə namizəd olmuş tanınmış ictimai-siyasi xadim «Dinamo»nun rəhbərliyində yer alıb.
Milli Məclisin deputatı II Liqada mübarizə aparan «Dinamo»nun İdarə Heyətinə üzv seçilib. O, klubun İdarə Heyətinin sədri, yaxın dostu Yaşar Seyidovun müvafiq çağırışını müsbət dəyərləndirib.
«Dinamo» Daxili İşlər Nazirliyinin balansında fəaliyyət göstərir. Ötən ilin 90-cu illərində yaradılan komanda 2015-ci ildə futbol səhnəsindən çəkilib və yalnız 2023-cü ilin yayında çıxışını bərpa edib.
F.Mustafa ictimaiyyətdə futbol azarkeşi kimi tanınır. Millət vəkilinin «Qarabağ»a və onun baş məşqçisi Qurban Qurbanova simpatiyası hər kəsə bəllidir.
SPORTİNFO.AZ
