«Akademiyada, demək olar ki, bütün işlər bitib».
«Turan Tovuz»un icraçı direktoru Nadir Nəbiyev Sportinfo.az-a açıqlamasında klubda görülən işlərlə bağlı məlumat verib.
Onun sözlərinə görə, 1 ildən artıqdır Tovuz şəhər stadionunda və bazasında aparılan yenidənqurma başa çatmaq üzrədir.
AFFA-nın maliyyə və texniki dəstəyi ilə görülən çalışmalar «Turan»ın nəzdində fəaliyyət göstərəcək akademiya layihəsinin uğurlu alınmasına ümid yaradır:
«Hazırda orada gedən yeganə iş süni meydançalardadır. O da bitmək üzrədir. Stadionun ərazisinə asfalt örtüyü çəkilir. Demək olar 3-5 günə bu da bitəcək.
İşığından, qazından belə hər şey hazırdır. Meydançalar, yataqxanalar da o cümlədən. Açılışa gəlincə, yəqin ki, bunun üçün xeyli vaxt gözləməyə dəyməz».