«Turan Tovuz» baş məşqçisi ilə yeni müqavilə imzalayacaq.
Bu barədə Sportinfo.az-a klubun icraçı direktoru Nadir Nəbiyev məlumat verib.
Onun sözlərinə görə, İlham Yədullayev daha 1 il komandanın sükanı arxasında dayanacaq. Ötən mövsümün ortasında Azər Bağırovdan boşalan vəzifəyə əyləşən gənc mütəxəssis kollektivə I Divizionun çempionu titulunu qazandırıb.
Bugünlərdə 10-dan artıq futbolçusu ilə vidalaşan qərb təmsilçisi Yədullayevin qarşısına bu dəfə də iddialı komanda yaratmaq məqsədi qoyub.