"Komanda martın 14-dən etibarən evə buraxılıb. Daim futbolçularla əlaqə saxlayıram. Ev şəraitində çalışırlar. Kimin həyət evi varsa, orda məşqlərin edir".
Bu sözləri Sportinfo.az-a açıqlamasında "Kəpəz"in baş məşqçisi Yaşar Vahabzadə deyib.
Gəncə təmsilçisinin çalışdırıcısı futbolçuların maaşlarının verilməsində hələ ki problemin olmadığını bildirib: "Rəhbərliklə maaş barəsində söhbətimiz olmayıb. Hər halda hansısa qərar verilsə, yəqin ki, bu tək bizdə olmaz.
Pandemiya bu baxımdan bütün klublara təsir edə bilər. Hazırda maaşlarla bağlı problem yoxdur. Futbolçular evdə olduqları ayın da maaşını alıblar"
