Tovuzda yaradılması qərara alınan futbol akademiyası ilə bağlı işlərə yaxın 10-15 gün ərzində başlanılacaq.
Bu barədə Sportinfo.az-a «Turan»ın Müşahidə Şurasının sədri Oqtay Abdullayev məlumat verib.
Onun sözlərinə görə, AFFA tərəfindən maliyyələşdiriləcək layihə ilə əlaqədar qarşıdakı günlərdə tender elan olunacaq:
«Bakıdan nümayəndələr gəlməlidi. Tovuzdakı baza və stadionla tanış olacaqlar. Sonra tender olacaq.
Ümumiyyətlə, planlarımız böyükdü. Akademiyaya qəbul 6-7 yaşındandı. Bütün yaş qruplarını əhatə edəcək.
Qonşu rayonları, ordan gələcək uşaqları da nəzərə alacağıq. Fikrimiz avqust-sentyabr aylarında bütün işləri başa çatdırıb, akademiyanın açılışını elan etməkdi».
