Gəncə şəhər stadionunda yenidənqurma işlərinə başlanılıb.
Sportinfo.az xəbər verir ki, bu barədə 5 mart – Bədən Tərbiyəsi və İdman günü ilə bağlı Gəncədə təşkil olunmuş tədbirdə gənclər və idman naziri Azad Rəhimov bildirib.
Nazir deyib ki, bu yöndə işlərin 2020-ci ildə başa çatdırılması planlaşdırılır.
A.Rəhimov Prezident İlham Əliyevin Gəncədə yeni Olimpiya Kompleksinin tikintisinə dair sərəncam imzaladığını xatırladıb.
O qeyd edib ki, öncədən kompleksin nəzdində təzə stadionun tikilməsi nəzərdə tutulub. Lakin sonradan qərar qəbul olunub ki, şəhərdə stadion artıq mövcuddu və yenisinə ehtiyac yoxdu.
