"Bu söhbətlərin hardan və nədən qaynaqlandığını bilmirəm" – bu sözləri Sportinfo.az-a açıqlamasında «Xəzər»in icraçı direktoru Emin Abbasov deyib.
Bu gün mətbuatda yayılan məlumatlara görə, I Divizionda mübarizə aparan və növbəti mövsüm elitaya yüksəlməyi qarşısına hədəf qoymuş “Xəzər” azarkeş yığmaq üçün maraqlı üsula əl atıb.
İddiaya görə, 90 dəqiqə ərzində Bakı komandasını dəstəkləyənlərə 5 manat verilir. Elan isə “Xəzər” - “Sabah” oyunundan əvvəl sosial şəbəkədə yerləşdirilib. Sakit Xəlilov adlı şəxs tərəfindən.
E.Abbasov bu xəbərin reallığı əks etdirmədiyini bildirib:
«Bizə muzdlu azarkeş lazım deyil.Dünən "Xəzər" - "Sabah" oyununda olanlar da gördü ki, bizim klub fanat qrupu ilə təmsil olunmurdu.
Stadionda "Sabah"ın azarkeş qrupu və komandaları dəstəkləyən izləyicilər, futbol adamları var idi".
