“Keçənilki nəticəni təkrarlamaq bizə çətin olacaq”.
Bu sözləri “Sportino TV”yə açıqlamasında “Neftçi-2”nin baş məşqçisi Mahmud Qurbanov deyib.
I Divizionda 17 tur arxada qalıb. Ötən il çempion titulunu qazanan bakılı gənclər hazırda qeyri-sabit mövsüm keçirir.
“Ağ-qaralar” geridə qalan həftələr ərzində 26 xal toplayıb və turnir cədvəlinin 7-ci pilləsində qərarlaşıb. Təcrübəli mütəxəssis bunun səbəbini müəyyən amillərlə əlaqələndirib:
“Yayda və qışda komandadan gedənlər çox oldu. Hücum xəttində daha çox problem yaşayırıq.
Bu mövsümdən Divizionda yaş limiti də dəyişib. Əvvəl 4 “yaşlı”ya icazə verilirdi, indi 6. Bizdə isə əksəriyyət öz akademiyamızın yetirməsidir.
Rəhbərlikdən deyilib ki, akademiyanın yetirmələrinə üstünlük verək. Kənardan 21 yaşın üstündə təcrübəli futbolçu gətirmək olmur”.
