AFFA yeni axtarışa çıxıb. Federasiya Premyer Liqadan sonra I Diviziona da titul sponsoru tapmaq fikrindədir.
Bununla bağlı müxtəlif şirkətlərə təkliflər paketi göndərilib.
Qurum cari süezonun sonunadək məsələni həll edəcəyinə ümid bəsləyir.
Çünki növbəti “futbol ili”ndən Premyer Liqanın əvəzedici komandalarının I Diviziondan ayrılması planlaşdırılır. Real tərəfdaş ortaya çıxarsa, onlardan gələcək vəsaitin 2/3 hissəsi iştirakçılar arasında bölüşdürüləcək.
Bir daha bildirək ki, Türkiyənin “Misli.com” şirkəti Azərbaycan Premyer Liqasının titul sponsoru olacaq.
Redaksiyamıza verilən informasıyaya görə, federasiyanın 2022-ci ildə yeni himayədarla imzalayacağı anlaşma elita klublarına əvvəl planlaşdırıldığından daha çox vəsait qazandıracaq.
Belə ki, hər bir iştirakşı 2,5 milyon manat əldə edəcək.
"Misli.com" şirkəti 2019-cu ildən “Demirören Holdinq”in tərkibinə daxil edilib və son 2 ildə Türkiyənin ən sürətlə böyüyən qanuni mərc saytına çevrilib. Hazırda 2 milyon üzvü var.
SPORTİNFO.AZ