"Bizimlə oynamağa razılıq verdiyi üçün "Neftçi" rəhbərliyinə təşəkkür edirəm. Belə bir komandaya qarşı oynamaq bizim üçün də xoş idi".
Bu sözləri "Kəpəz"in baş məşqçisi Yaşar Vahabzadə "Neftçi"ilə yoxlama görüşü (0:1) barədə Sportinfo.az-a açıqlamasında deyib.
Təcrübəli mütəxəssis komandasının oyunundan razılığını dilə gətirib: "Oyun planından razı qaldım. Cəmi dörd gündür məşqlərə başlamışıq.
Uşaqlar pis görsənmədilər. Yaxşı mübarizə apardıq. Çatışmayan cəhətlərimiz var. Onların üzərində işləmək lazımdır".
I Divizionda mübarizə aparan Gəncə təmsilçisinin çalışdırıcısı "Neftçi"nin minimalhesablı qələbəsini hazırlığın yeni başlaması ilə əlaqələndirib:
"Nəticəyə görə deməzdim ki, "Kəpəz" daha yaxşı oynadı. Həm "Neftçi", həm də biz 4-5 gündür məşq edirik.
Hazırlıq hələ təzə başlayıb. Hər iki tərəfdən futbolçular özünü yaxşı tərəfdən göstərməyə çalışırdı".