"Həddən artıq lazımsız səhvə yol verdiyimzə görə..."

11 Yanvar 23:10 Zirə 415
"Həddən artıq lazımsız səhvə yol verdiyimzə görə..."

"İlk oyun üçün istəyimiz fiziki yüklənməni meydanda tətbiq etmək idi. Ümumən götürsək, buna nail ola bildik.

Sadəcə, adi epizodlarda top itkilərinə yol verdiyimizə və müdafiədə həddən artıq lazımsız səhvə yol verdiyimzə görə məyus olduq. Bunlar taktiki deyil, fərdi-texniki səhvlər idi. Belə çatışmazlıqlara görə hesab 0:3 oldu".

Sportinfo.az xəbər verir ki, bu sözləri "Zirə"nin baş məşqçisi Zaur Həşimov Türkiyədə təlim-məşq toplanışı çərçivəsində "Ümraniyespor"a 0:3 hesabı ilə uduzduqları oyundan sonra klubun mətbuat xidmətinə deyib.

O bildirib ki, hesaba baxmayaraq, bu oyun üçün qarşıya qoyduqları planı yerinə yetiriblər: "Nəzərə alaq ki, ağır fiziki yüklənmələrlə məşq edirik. Futbolçuların bir qədər yorğun görünməsi normaldır.

Rəqib komandada isə fərqli idi, “Ümraniyespor” tam hazır, formasının pikindədir, bir neçə gün sonra onların liqası başlayacaq. Biz isə hələ yüklənmələrin əvvəlindəyik".

Xəbər Lenti
26 Fevral 19:02 AFFA-dan yeni məlumat
26 Fevral 14:25 AFFA rəsmiləri Sarayevoda
26 Fevral 11:23 "Şokolad Ronaldo" – FOTO
25 Fevral 21:08 Yunuszadə oynamadı