"Qəbələ"dən Davit Volkovla "Səbail"dən Ağabala Ramazanovu transfer edən "Zirə"nin baş məşqçisi Zaur Həşimovun bir neçə futbolçu ilə yanaşı, Cavid Hüseynovu da komandada görmək istəmədiyini xəbər vermişdik.
Sportinfo.az-a daxil olan informasiyaya görə, 31 yaşlı yarımmüdafiəçi ilə gənc mütəxəssisin bu məsələ ətrafında növbəti danışığı uğursuz yekunlaşıb. Hüseynov Həşimovun "get" tələbinə müsbət razılıq verməyib.
Qəsəbə təmsilçisi ilə ilyarımlıq müqaviləsi qalan millimizin futbolçusu anlaşmanın sonuna qədər "Zirə"də qalacağını deyib. Hətta müqaviləsi bitənə qədər əvəzedici heyətdə belə, oynamağa hazır olduğunu bildirib.
"Zirə"yə bu yay "Qəbələ"dən gələn təcrübəli yarımmüdafiəçinin illik müqaviləsi 200 min manat civarındadır.