“Zirə”nin Yeqor Boqomolskini icarəyə verməsindən məlumatlısız.
Ötən ildən "Zirə"nin formasını geyinən 25 yaşlı hücumçu sonradan transfer etmək hüququ da daxil olmaqla, cari mövsümün sonuna kimi Rusiyada - “Ural”da çıxış edəcək.
”Sabah”dan yaxşı tanıdığımız Vasili Berezutskinin çalışdırdığı “arılar” 4 aylıq icarə üçün ”Zirə”yə kifayət qədər yüksək ödəmə edəcək.
”Qartallar”ın ona görə büdcəsinə daxil olacaq məbləğ 70 min dollardır.
Ötən üç mövsümü ”Neftçi”də keçirmiş, 2025-cü ilin yayında qəsəbə təmsilçisi ilə 2 illik müqavilə bağlamış belaruslu Rusiyanın birinci liqasında özünü isbatlaya bilsə, ”Ural” onun birdəfəlik transferi üçün 120 min dollardan artıq təzminat ödəyəcək.
Yeqor 3 iyun 2000-ci ildə Minskdə anadan olub. 2019-cu ilin aprelində Minsk “Dinamo”sunun əsas komandasında “Torpedo” ilə derbidə debüt edib.
Daha sonra “Dinamo-Brest”, “Rux”, “Minsk” və “Neftçi”də oynayıb. Belarus millisinin heyətində 6 oyun keçirib.
SPORTİNFO.AZ
