18-ci turun mərkəzi qarşılaşması Zirədə baş tutacaq.
Çempionluğa iddialı “Sabah” qəsəbədəki İdman Kompeksinin meydanında əsas rəqiblərindən olan “Zirə”nin qonağı olacaq.
Son illərdə bu komandalar arasındakı oyunların maraqla izlənilməsi və hər ikisinin avrokubokların mütəmadi iştirakçısı olması intriqanı artırır.
Əsas prinsipiallıq isə “Sabah”ın ilk dövrədə “Zirə”nin qapısından 3 cavabsız top keçirməsidir.
“Qartallar”ın belaruslu hücumçusu Yeqor Boqomolski Sportinfo.az-a açıqlamasında komandasının iddiasından söz açıb:
“Sabah” son vaxtlar güclənib. Baxımlı və məhsuldar oyunla qələbələr qazanırlar.
Belə baxanda, 7-8 komandanın gücü təxminən bir-birinə yaxındır. İlk oyundakı 0:3-ü unutmamışıq.
Meydana yalnız və yalnız qələbə üçün çıxacağıq. Komandamızın gücü məqsədimizə nail olmağa kifayət edir.
Fikrimcə, azarkeşlər üçün maraqlı qarşılaşma olacaq”.
Yanvarın 31-də Zirə İdman Kompleksinin meydanın gerçəkləşəcək qarşılaşma saat 17:00-da başlayacaq.
HƏBİB
