COP29

Millimizin yeni baş məşqçisi kim oldu?

3 Mart 01:10 Voleybol 617
Millimizin yeni baş məşqçisi kim oldu?

Azərbaycan Voleybol Federasiyasının (AVF) İdarə heyətinin geniş iclası keçirilib.

Sportinfo.az xəbər verir ki, tədbirdə AVF-nin prezidenti Şahin Bağırov, vitse-prezidentlər Faiq Qarayev və Bəhruz Quliyev, baş katib Faiq Orucov, İdarə heyətinin üzvləri, klub rəhbərləri, məşqçilər, həkimlər, hakimlər və federasiyanın digər əməkdaşları iştirak ediblər.

Ş.Bağırov iclası açaraq qonaqları salamlayıb, müzakirəyə çıxarılacaq məsələlər haqqında məlumat verib.

Tədbirdə Fərid Cəlalovun kişilərdən ibarət milli komandamızın baş məşqçisi təyin olunduğu açıqlanıb. Daha sonra F.Cəlalov yığmamızın may-iyun aylarında keçiriləcək Qızıl Avropa Liqasına hazırlıq planını təqdim edib.

Sonra yeniyetmə və gənc qızlardan ibarət yığma komandalarımızın rəhbəri Şahin Çatma komandaların qarşıdakı yarışlara hazırlıq planlarını təqdim edib.

Həmçinin yeniyetmə və gənc oğlanlardan ibarət yığma komandalarımıza yeni rəhbər təyin olunmuş Cahangir Seyed Abbasi təqdim olunub. İranlı mütəxəssis gənclərin seçimi və yarışlara hazırlıqla bağlı proqramı təqdim edib.

İclasda F.Qarayev və B.Quliyev çıxış edərək yeni təyinatlar və müzakirə olunan məsələlərlə bağlı fikirlərini bölüşüblər.

Sonda iştirakçıları maraqlandıran suallar ətrafında müzakirələr aparılıb.

Xəbər Lenti
28 May 20:30 Qarabağda İŞ VAR!